കോട്ടയം: ബാര് കോഴക്കേസില് തനിക്കെതിരെ ഗൂഢാലോചന നടന്നതിന്റെ വിവരങ്ങള് പുറത്തു വന്നതിന് പിന്നാലെ കോണ്ഗ്രസിനു നേരെ ഒളിയമ്പുമായി കേരളാ കോണ്ഗ്രസ് എം ചെയര്മാനും മുന്മന്ത്രിയുമായ കെഎംമാണി രാഷ്ട്രീയത്തില് ഇപ്പോള് പലരേയും വിശ്വസിയ്ക്കാന് കൊള്ളില്ലെന്ന് പറഞ്ഞ കെഎം മാണി മുസ്ലലീഗ് നേതാവും മന്ത്രിയുമായ പികെ കുഞ്ഞാലിക്കുട്ടിയെ നന്പാം എന്നും വെളിപ്പെടുത്തി. ബാര് കോഴക്കേസില് ആഭ്യന്തര മന്ത്രി രമേശ് ചെന്നിത്തല വഞ്ചിച്ചുവെന്ന ഒരുവികാരം കേരള കോണ്ഗ്രസില് ശക്തമായി നിലനില്ക്കുന്നതിനിടയിലാണ് മാണി പരസ്യമായി പലരിലേയ്ക്കും ചെന്നുകൊള്ളുന്ന തരത്തിലുള്ള ആരോപണം ഉന്നയിച്ചത് എന്നത് ശ്രദ്ധേയമാവുകയാണ്.മുസ്ലിം ലീഗ് നേതാവും വ്യവസായ മന്ത്രിയുമായ പികെ കുഞ്ഞാലിക്കുട്ടി നയിക്കുന്ന കേരള യാത്രയ്ക്ക് കോട്ടയത്ത് നല്കിയ സ്വീകരണ യോഗത്തില് സംസാരിയ്ക്കുകയായിരുന്നു മാണി.
കെട്ടിപ്പിടിച്ച് പുണരുകയും തക്കം കിട്ടിയാല് കുതികാല് വെട്ടുകയും ചെയ്യുന്ന സാഹചര്യമാണ് ഇപ്പോഴുള്ളത്. എന്നാല് ഇത്തരത്തിലൊരു ആശങ്കയും ഇല്ലാതെ രാഷ്ട്രീയത്തില് എന്നും വിശ്വസിയ്ക്കാന് കൊള്ളുന്ന രാഷ്ട്രീയ പ്രസ്ഥാനമാണ് മുസ്ലിം ലീഗെന്നും കെഎം മാണി പറഞ്ഞു. ഇത്തരക്കാരുടെ കൂട്ടത്തില് നന്പാവുന്നത് കുഞ്ഞാലിക്കുട്ടിയെ തന്നെയാണ്. ചതിക്കില്ലെന്ന് ഉറപ്പുണ്ട്. മാത്രമല്ല അദ്ദേഹത്തിന് രണ്ടു മുഖങ്ങളുമില്ല മാണി പറഞ്ഞു. ഇക്കാര്യം തുറന്ന് പറയാന് താന് ആഗ്രഹിക്കുന്നു. എത്രയോ വര്ഷങ്ങളായി താനും കുഞ്ഞാലിക്കുട്ടിയും ഒരുമിച്ച് പ്രവര്ത്തിക്കുന്നു. ഇതുവരെ അദ്ദേഹം ചതിച്ചിട്ടില്ലെന്നും മാണി പറഞ്ഞു.
No comments:
Post a Comment