ദമാം: സൗദിയില് ഹൗസിംഗ് പ്രൊജക്ട് വിസകളില് ജോലി ചെയ്യുന്ന വിദേശ തൊഴിലാളികള് തങ്ങളുടെ പ്രൊജക്ടുകള് കഴിഞ്ഞാല് രാജ്യം വിടണമെന്ന് സൗദി തൊഴില് മന്ത്രി മുഫ്റജ് അല് ഹഖ്ബാനി വ്യക്തമാക്കി. പുതിയ നിയമം മൂലം ഹൗസിംഗ് പ്രൊജ്കടിലെ തൊഴിലാളികള്ക്ക് സ്പോണ്സര്ഷിപ്പ് മാറ്റം സാധ്യമാകുകയില്ലെന്നും അദ്ദേഹം പറഞ്ഞു.
ഇതു സംബന്ധിച്ച കരാര് റിയാദില് ഹൗസിംഗ് മന്ത്രി മാജിദ് അല് ഹുഖൈലുമായി തൊഴില് മന്ത്രി അല് ഹഖ്ബാനി ഒപ്പുവെച്ചു. അതുമൂലം ഹൗസിംഗ് പ്രൊജക്ടുകള് തീര്ന്നാല് കമ്പനികള് തൊഴിലാളികളെ കയറ്റി വിടേണ്ടി വരും. രാജ്യത്തെ ഹൗസിംഗ് പ്രൊജക്ടുകളില് കൂടുതല് സ്വദേശിവല്ക്കരണം നടപ്പിലാക്കാനും ഇരു മന്ത്രിമാരും ധാരണയിലെത്തി.അതേസമയം, സ്കോളര്ഷിപ്പ് മൂലം പഠിക്കുന്ന കോളേജ് വിദ്യാര്ഥികളെ റിക്രൂട്ട് ചെയ്ത് സ്വദേശി ക്വാട്ട തികയ്ക്കുന്ന കരാറുകാര്ക്കെതിരെ ശക്തമായ നടപടിയെടുക്കുമെന്നും തൊഴില് മന്ത്രി പറഞ്ഞു.ഇത്തരം കമ്പനികള്ക്ക് 25,000 റിയാല് ഫൈന് ഈടാക്കും.
No comments:
Post a Comment