തെന്നിന്ത്യന് സുന്ദരിയും മലയാളത്തിലെ പ്രശസ്ത നടിയുമായ മേഘ്‌നാ രാജിനെതിരെ ബെംഗളൂരുവില് വഞ്ചനാകുറ്റത്തിന് കേസ്. തമിഴ്‌നാട്ടിലെ ബിസിനസുകാരനായ ജനാര്ധനനാണ് കേസ് നല്കിയത്. ബെംഗളൂരു സിറ്റി പൊലീസ് കമ്മിഷണര്ക്ക് ഇ മെയിലില് ലഭിച്ച പരാതി തുടര്അന്വേഷണത്തിനായി ജെപി നഗര് പൊലീസിന് കൈമാറി.വിവാഹവാഗ്ദാനം നല്കി വഞ്ചിച്ചതായും വിലപ്പെട്ട രേഖകള് തട്ടിയെടുത്തതായും പരാതിയില് പറയുന്നു.
തന്റെയൊപ്പം പല സ്വകാര്യ പാര്ട്ടികളിലും പങ്കെടുക്കാറുള്ള നടി തന്നെ മോഹിപ്പിച്ച് പലതും നേടിയെടുത്തതായി ജനാര്ധനന് പറഞ്ഞു. മേഘ്‌ന എന്തായാലും പരാതി നിഷേധിച്ചിട്ടുണ്ട്. എന്നാല് , പരാതിക്കടിസ്ഥാനമായ രേഖകളെ സംബന്ധിച്ച വിവരങ്ങളൊന്നും ജനാര്ധന് കൈമാറിയിട്ടില്ലെന്ന് ബെംഗളൂരു സിറ്റി പൊലീസ് കമ്മിഷണര് എന്എസ് മേഘരിഗ് പറഞ്ഞു. വിനയന്റെ യക്ഷിയും ഞാനും എന്ന സിനിമയിലൂടെ മലയാളത്തിലെത്തിയ നടി മേഘ്‌നരാജ് ചുരുങ്ങിയകാലം കൊണ്ട് തെന്നിന്ത്യന് സിനിമയുടെ ഗ്ലാമര്താരമായി മാറിയിരുന്നു. അനൂപ് മേനോന്റെ മിക്കചിത്രങ്ങളിലും നായികയായി നടി മോഹന്ലാലിന് ഒപ്പവും മലയാളത്തില് വേഷമിട്ടിട്ടുണ്ട്.നേരത്തെ കന്നഡ യുവതാരം ചിരഞ്ജീവി സര്ജയുമായി പ്രണയത്തിലാണെന്നും ഉടന് തന്നെ വിവാഹം ഉണ്ടാകുമെന്നും പ്രചരിച്ച തന്റെ വിവാഹ വാര്ത്ത നിഷേധിച്ച് നടി രംഗത്ത് എത്തിയിരുന്നു.
ചില എന്റര്ടെയ്ന്മെന്റ് വെബ്‌സൈറ്റുകളില് പ്രസിദ്ധീകരിച്ച വാര്ത്ത സോഷ്യല് മീഡിയയും മറ്റ് മാധ്യമങ്ങളും ഏറ്റെടുത്തതോടെ വിവാഹ വാര്ത്ത പ്രചരിക്കുകയായിരുന്നു. ഇപ്പോള് പഠനത്തിനും അഭിനയത്തിനുമാണ് താന് പ്രാധാന്യം നല്കുന്നത്.നല്ല സിനിമകളുടെ ഭാഗമാകണം. അതിന് ശേഷമെ വിവഹമുള്ളൂ. ഇപ്പോള് വിവാഹത്തെക്കുറിച്ച് ആലോചിക്കുന്നില്ലെന്നും മേഘ്‌ന വ്യക്തമാക്കിയിരുന്നു.കന്നഡ താരങ്ങളായ സുന്ദര് രാജിന്റെയും പ്രമീളയുടെയും മകളായ മേഘ്‌ന ബെന്ഡു അപ്പാരോ ആര്എംപി എന്ന തെലുങ്ക് ചിത്രത്തിലൂടെയാണ് സിനിമയിലെത്തിയത്. വിനയന്റെ യക്ഷിയും ഞാനും എന്ന ചിത്രത്തിലൂടെയാണ് മലയാളത്തില് എത്തിയത്. മലയാളത്തില് ബ്യൂട്ടിഫുള്, മെമ്മറീസ്, റെഡ് വൈന് തുടങ്ങിയ ചിത്രങ്ങളില് മേഘ്‌ന ശ്രദ്ധേയമായ അഭിനയം കാഴ്ചവച്ചു.
No comments:
Post a Comment