ചെന്നൈ: ഇന്ത്യയുടെ ദേശീയ പതാക പ്രധാനമന്ത്രി നരേന്ദ്ര മോഡിയുടെ ജപ്പാന് സന്ദര്ശനത്തിനിടെ തലതിരിച്ച് കെട്ടിയ നിലയില് കാണപ്പെട്ടത് വന് വിവാദങ്ങള്ക്ക് കാരണമായിരുന്നു. അത്രയ്ക്ക് പ്രധാനമാണ് നമ്മള് ദേശീയ പതാകയ്ക്ക് കൊടുക്കുന്നത്. ദേശീയ പതാക എങ്ങനെയൊക്കെ ഉപയോഗിക്കാം എന്നതിനെ സംബന്ധിച്ച് രാജ്യത്ത് ഇന്ത്യന് പതാകാ നിയമം തന്നെ നിലവിലുണ്ട്. ദേശീയപതാകയെ ബഹുമാനിക്കുക എന്നത് രാജ്യത്തെ ഓരോ പൗരന്റെയും കടമയാണ്. എന്നാല്ഇപ്പോള് ഒരാള് ദേശീയ പതാക കത്തിക്കുന്ന ചിത്രങ്ങള് ഫേസ്ബുക്കില് പോസ്റ്റ് ചെയ്ത് ഞെട്ടിച്ചിരിയ്ക്കുകയാണ്. ഫേസ്ബുക്കിലെ വിവിധ ഗ്രൂപ്പുകളില് ഈ ചിത്രം ഇപ്പോള് വൈറലായിക്കൊണ്ടിരിക്കുകയാണ്.അതേ സമയം ദേശീയ പതാക കത്തിക്കുകയും തുടര്ന്ന് ആ ചിത്രങ്ങള് ഫേസ്ബുക്കില് പോസ്റ്റ് ചെയ്യുകയും ചെയ്ത സംഭവത്തില് പോലീസ് അന്വേഷണം ആരംഭിച്ചു.
നാഗപട്ടണം സ്വദേശി ദിലീപന് മഹീന്ദ്രനാണ് ദേശീയപതാക കത്തിച്ച് ആ ചിത്രങ്ങള് ഫേസ്ബുക്കിലിട്ടത്.വെള്ളിയാഴ്ച്ച രാത്രി ഫേസ്ബുക്കിലിട്ട ചിത്രങ്ങള് വിവാദമാക്കുന്നുവെന്ന് കണ്ട് മണിക്കൂറുകള്ക്കുള്ളില് ഇയാള് തന്നെ പിന്വലിച്ചെങ്കിലും അതിനോടകം ചിത്രങ്ങള് സോഷ്യല് മീഡിയയില് വൈറലായിരുന്നു.ഇയാളുടെ പ്രവൃത്തിയില് രോഷാകുലരായവര് കടുത്ത വിമര്ശനവും അസഭ്യവര്ഷവുമാണ് ദിലീപന് നേരെ ചൊരിയുന്നത്. ചിലര് ഇയാളുടെ ഫോണ് നമ്പര് സഹിതമാണ് ചിത്രങ്ങള് ഷെയര് ചെയ്യുന്നത്. ഇയാളെ ന്യായീകരിക്കാന് ശ്രമിച്ചവര്ക്കും സോഷ്യല് മീഡിയയില് രോഷം അനുഭവിക്കേണ്ടി വന്നു.
തമിഴ് വിപ്ലവനേതാവ് പെരിയാറിന്റെ പിന്തുടര്ച്ചക്കാരനാണ് താന് എന്നാണ് ദിലീപന് മഹീന്ദ്രന് തന്റെ ഫേസ്ബുക്ക് പ്രൊഫൈലില് രേഖപ്പെടുത്തിയിരിക്കുന്നത്. വില്ലുപുരത്ത് മൂന്ന് വിദ്യാര്ത്ഥിനികള് കിണറ്റില് ചാടി ആത്മഹത്യയിലും, ഹൈദരാബാദ് സര്വ്വകലാശാലയിലെ രോഹിത് വെമുലയുടെ ആത്മഹത്യയിലും കുറ്റക്കാരയവരെ കണ്ടെത്തണം എന്നാവശ്യപ്പെട്ടുള്ള പ്രതിഷേധങ്ങളില് പങ്കെടുത്തതിന്റെ ചിത്രങ്ങളും ഇയാളുടെ പ്രൊഫൈലില് ഉണ്ട്.സ്വകാര്യ എയര്ലൈന്സ് കമ്പനിയില് പൈലറ്റായി പ്രവര്ത്തിക്കുന്ന സി ആര് നവീന്കുമാറും മറ്റൊരാളും ദിലീപിനെതിരെ ചെന്നൈ പോലീസില് പരാതി നല്കിയിട്ടുണ്ട്.
ഇതുകൂടാതെ സോഷ്യല്മീഡിയ വഴിയും നിരവധി പേര് വിഷയം പോലീസ് ശ്രദ്ധയില്പ്പെടുത്തിയിട്ടുണ്ട്. സംഭവത്തില് പരാതി ലഭിച്ചതായും യുവാവിനെ കണ്ടെത്താനുള്ള ശ്രമത്തിലാണെന്നും ചെന്നൈ സിറ്റി പോലീസ് വ്യത്തങ്ങള് അറിയിച്ചു.
No comments:
Post a Comment