മിമിക്രി രംഗത്തും നിന്നും എത്തി ചെറിയ സിനിമകളിലൂടെ താരതമ്യേന ചെറിയ വേഷങ്ങള് ചെയ്ത് മികച്ച കഴിവുള്ളതുകൊണ്ട് ഉയര്ന്നു വന്ന ഒരു താരമാണ് കലാഭവന് ഷാജോണ്. നടന് കലാഭവന് മണിക്ക് ഡ്യൂപ്പായിട്ടാണ് സിനിമയില് എത്തിയതെങ്കിലും മൈ ബോസ് എന്ന ജീത്തു ജോസഫ് സിനിമ മുതല് ഇങ്ങോട്ട് നായകന്റെ സഹായി ആയും ആയും നെഗേറ്റീവ് കഥാപാത്രമായുമൊക്കെ തിളങ്ങുരകയായിരിന്നു. ഷാജോണ്.
ജീത്തു ജോസഫിന്റെ തന്നെ ദൃശ്യം എന്ന മലയാളത്തിലെ സര്വ്വകാല സൂപ്പര് ഹിറ്റ് സിനിമ റിലീസ് ചെയ്ത സമയം. ചിത്രത്തിലെ സഹദേവന് എന്ന ക്രൂരനായ പോലീസുകാരനായി തകര്ത്താടിയത് കലാഭവന് ഷാജോണ് ആയിരുന്നു. മലയാളത്തിന്റെ മഹാ നടന് മോഹന്ലാലിനെ ഇടിച്ച് വീഴ്ത്തുകയും ചവിട്ടിക്കൂട്ടുകയുമൊക്കെ ചെയ്യുന്ന അതി ക്രൂരനായ പോലീസുകാരനെ കണ്ട പ്രേക്ഷകര് ഒന്നടങ്കം പറഞ്ഞു കയ്യില് കിട്ടിയാല് സഹദേവനെവകവരുത്തുമെന്ന്.റിലീസ് ചെയ്ത ആദ്യ നാളുകളില് ഷാജോണിന് ഒരു ഫോണ് കോള് കിട്ടി, മോനേ, നീ ഇന്നെങ്ങും തീയറ്ററില് പോകരുത്. സിനിമ നന്നായിട്ടുണ്ടെന്ന് അഭിപ്രായം കിട്ടി. എന്റെഫാന്സിന്റെ കാര്യം അറിയാമല്ലോ, സഹദേവനെ അവര് എങ്ങനെ കൈകാര്യം ചെയ്യുമെന്ന് പറയാന് കഴിയില്ല. എന്നൊക്കെ പറഞ്ഞ് ഭയപ്പെടുത്തിയത് മറ്റാരുമായിരുന്നില്ല, ചിത്രത്തില് ജോര്ജ്ജുകുട്ടിയായി അഭിനയിച്ച സഹദേവന്റെ അടി മുഴുവന് വാരിക്കൂട്ടിയ സാക്ഷാല് മോഹന്ലാല് ആയിരുന്നു. ശരിക്കും അതൊരു അംഗീകാരമായി കാണുകയാണ് ഷാജോണ്.
പീന്നീട് കാണുമ്പോള് എല്ലാം സഹദേവന്റെ വേഷത്തിലെ തന്റെ പ്രകടനത്തെഅഭിനന്ദിയ്ക്കാനും മറക്കില്ല ലാലേട്ടന്.പക്ഷേ അതിനേക്കാള് കഷ്ടപ്പെട്ടത് വീട്ടിലാണ്.തീയറ്ററില് സിനിമ കണ്ടു കൊണ്ടിരിക്കുമ്പോള് ഫൈറ്റ് സീന് സമയം മോളോട് എങ്ങനെയുണ്ടെന്ന് ചോദിച്ചപ്പോള് കുഴപ്പമില്ല, സിനിമയില് അഭിനയിക്കുകയല്ലേ എന്ന് പറഞ്ഞു. എന്നാല് വീട്ടില് എത്തിയപ്പോള് ഭാര്യയുടെയും മകളുടെയും മട്ടും ഭാവവും മാറി. ലാലേട്ടന് ഫാന്സായ അവരെ പ്രകോപിപ്പിച്ചത് അദ്ദേഹത്തിന്റെ ശരീരത്തില് ചവിട്ടിന്റെ പാട് വന്നതാണ്. പഴയ ഈ സംഭവം എല്ലാം അടുത്തിടെ ഒരു സ്വകാര്യ ടിവി ചാനലിന്റെ കോമഡി റിയാലിറ്റി ഷോയില് അതിഥിയായി എത്തിയ ഷാജോണ് വീണ്ടും പ്രേക്ഷകരോട് പങ്കുവെയ്ക്കുകയായിരുന്നു..
No comments:
Post a Comment